(9)كيفاش نجبد موضوع مع درية؟ –تقنية آ با جدي

كيفاش نجبد موضوع مع درية؟ –تقنية آ با جدي-

كانعرف بزاف ديال لقلاقش لي تايتحنسرو فلمواضيع, وتاتعرق ليهم ترمة ديال نيفهم, ماشي حيتاش زغب صهد عليهم, ولكن حيتاش ماعارفينش علاياش يهضرو معاها, ولا شنو يقولو ليها, أولا شنو الموضوع لي يهضرو فيه؟

شوف أزبي, إذا كنتي واحد منهم, وتانتا تاتفزݣ ليك لمسكوطة بسباب هاد لقضية, ليوما جبت ليك واحد التقنية بسيطة و لكن مقودة, غير باش ماتبقاش مشكل, علاش؟ حيتاش أول حاجة : بسباب هاد التقنية غادي تقدر تفهم الشخصية ديال أي قحبة.
وثاني حاجة: هاد التقنية, غاتخليك طيب ليها نوايو تاع كرها بلهضرة, الشيء لي غايخليها تحس براسها تحݣرات و تحاول تزمطك تاهي و تهضر كثر منك, و هاكدا لكوفيرساسيون غاطوال, حيت أصلا لي ماقراوناش فلمدارس دزب, أن الدرية تاتحس بالخوف ملي كاتسكت,-من بعد و نشرح ليكم علاش-.

دابا نرجع لموضوع ونشرح ليك هاد التقنية, لي سميتها "تقنية آ با جدي", حيت تاتعتامد على تقمار, ماشي داك تقمار ديال دوك زوامل لي كايبقاو عاصرين فلقهاوي و كايزللو غير بعينيهم, و تايقول لصحابو "لحاج راني عجبتها", لاء لاء لاء, هاد التقنية تا تعتامد على تقمار من نوع خاص, تقمار حلال مثلا, حيتاش كاتقمر لموضوع من مجموعة ديال ليشوا أو الاقتراحات لي كاتقتابسهم من لحزاق لي غادي تقوليك ملي غاتخدم هاد التقنية, و قبل مانقوليك شنو هو لبرانسيب ديال هاد لقلاوي كامل, بغيتك, تنسى ديك لقضية ديال العجز فالمواضيع, زعما تنسى بلي راك مقودة عليك من جيهت لهضرة, كيفاش غادير؟ بقا تهضر مع راسك مرة مرة, شوف راسك فلمرايا و هضر مع راسك, و بقا تقول لراسك, جيتني مقود على سبيل المثال, سينو, ثقف كرك من لخر, حيت الثقافة العامة هي كلشي, فقضية المواضيع.

دابا تخايل ورحك, -كيما كايقول دون ديالنا-, مع درية, هضرتو بزاف, جا داك البياض لكحل, داك الصمت, داك لكابوس لي معقد زامل تاع بوك, كيفاش دوزو, لقضية سهل من فريع لمهبل, و باش دوزو و دير فيها –زورو- ماعليك غير تخد تقنية –آ با جدي-, لي هي فالأصل لعية و صافي, فمثلا أنا واقف مع درية تمشكلت, و بغيت نجبد موضوع ماعليا غير نسولها و نقوليها : "قولي ليا 3 ديال لكلمات كايعجبوك," من بين دوك الاقتراحات لي عطاتك غاتقتابس الموضوع, ناخدو كمثال ختارت الكلمات التالية : الأناقة, الجمال, الرشاقة, فهاد لحالة عطاتني 3 ديال المواضيع لي باغا تهضر فيهم بلا مانبين ليها بلي راني عندي داك لبوزوان, وبلي محتاج موضوع نهضر فيه, ولكن باش تزيد تكمل الخطة و تكون طبقتي التقنية ميا فالميا, هي تقتابس الموضوع و تقوليها, مثلا: على ذكر الأناقة شمن ماركة ديال لحوايج كاتعجبك؟ أو على ذكر الجمال, واش كايعجبوك دراري لي كايلبسو اللارج؟ ...

هاكدا غاتكون جبدتي موضوع جديد, و ملي يسالي الموضوع دوز ليها لكلمة الثانية و هي غادية... مهم باش تعرفو راه هاد التقنية, صاوبتها أنا, ملي عرفت بلي راه لا بليباغ ديال دراري تايعانيو من هاد العجز فإطالة الحديث, ولقيت راسي مضطر باش نعصر زيت ديال كري –كيما كايقول الدون ديالنا-, و بالنسبة لمصداقية ديالها فراها دائما كاتصدق, غير هو ماتزيدش فيه و تبقى ديما تاديرها مع نفس لبنت, حيتاش غاديرها معاها غير مرة, سنون, يمكن ليك تنوع و تقوليها شنوهوما 3 ديال لكلمات لي ماكاتحمليش؟

(8)كيفاش نطيح درية لابسة لكيت –كاتموسقق- ؟

كيفاش نطيح درية لابسة لكيت –كاتموسقق- ؟

لا ماجوغيطي ديال لمغاربة, على بالهم بلي درية دايرة لكيت, من الأمبوستاحيلات, و الخوارق أنك طيحها, و أن القضية تتطلب منك تولي –زورو- إلا أن العكس هو الصحيح, حيت درية لابسة لكيت هي أسهل فريسة,و قبل مانقوليك علاش هي ساهلة خاصني نقوليك علاش نتا كاتبانليك صعيبة...حيت بكل بساطة التصور الخاطئ ديالك لنفسية ديال لبنت غالطة من أساسها, وتايحسابك أن بنت دايرة لكيت, دايراهوم حيت ماعندهاش مع بنادم و إينفوا غاتحاول تهضر معاها غاتقمعك,...و لكن الواقع هو أن درية لابسة ليزيات, ساااهلة.

أولا : حيت درية دايرة لكيت, كاتعني أنها كاتحس بلوحدة : نورمالمون درية لا كانت مع صحباتها راه ماغاديرش لكيت أو لا كانت مع شي حد, ألوغ بحكم غادية بوحدها ضروري دير ليزيات باش تعود داك النقص لي كاتعاني منو و ديك الوحدة لي كاتعاني منها.

ثانيا: درية لابسة ليزيات, كايكون عاندها واحد ليسبخي ديال الضحك, وكاتكون نشوطية, علاش حيت ملي كاتسمع لموسيقى فإنك كاتغدي الروح كما تايقولي, وهادشي لي كايوقع نسبيا, حيت درية ملي كادير لكيت فودتيها و كاتبقا تموسق, فهي كاتسنت لشي حاجة كاتعجبها ألوغ غاتكون راشقة ليها.

ثالثا : سبق و قلت بلي لا ماجوغيطي ديال لمغاربة كاتبان ليهم لقضية صعيبة يعني يمكن لينا نقولو أن درية دايرة لي كيت, قليل فاش كاتعرض لتزلال, داكشي علاش لقضية غاتكون لصالحك, وماغاتطلبش مجهود كبير.

دابا شنوهوما لي فخاز دابخوش لي تقوليها ؟ صراحة باش دخل درية دايرة لكيت, ماتحتاجش منك شي فخاز محددة, حيت أصلا إين فوا غاتهضر ماغاتسمعكش, غير غاتحيد لكيت باش تسمعك, وديك ساعة يمكن ليك تسولها على ديسك لي كاتسنت ليه, أولا طلب أنك تسنت معاها, سينون هادو شي جمل لي هوما إيفيكاس :

-كاتسنطي لحاجة لحمداوية (مع واحد الإبتسامة), (ضروري غاضحك و غاتقوليك لاش كاتسنط, ومن الأحسن تقوليها بلي ماعندكش مع داك و لا ديك المغنية باش هي تبغي تقنعك وتعطيك تمزك, وسيطول الحديث)

-سمحيليا, بشحال تقديتي هاد لي كيت؟

-كاتسنطي لعظامك؟ (مع ابتسامة)

سمحيليا, واخا نتسنط معاك؟ (مع ابتسامة)

مهم لي تعرفوه من هاد الدرس أن درية لابسة لكيت أسهل من درية ماديراش لي كيت, وأن ماشي لمهم شنو تقول قد ما مهم توقف عليها, ودير محاولة و تكتاسب ثقة في النفس.

(7) واش ضرور نكون زوين باش نطيح درية ؟

واش ضرور نكون زوين باش نطيح درية ؟








بعدما تمكنتي من تقوية الشخصية ديالك, أ وليتي كاتيق فراسك, تماما بحال –زورو-, بقيتي كاتساءل, واش خاصني نكون زوين –بوقوس- باش نطيح درية؟, .. قبل مانجاوبك, بغيتك تعرف علاش دراري زوينين, تايكونو عندهم فرص أكثر باش يطيحو درية, بكل بساطة حيتاش هوما كتاسبو الثقة في النفس ديالهم من خلال الجمال ديالهم, داكشي علاش كايطيحو دريات بزاف, ولكن هوما على بالهم راهوم بزين ديالهمطيحوها, إلا أن علم النفس كايأكد أن الدرية أول حاجة كاتلاحظها هي الشخصية و طريقة التعامل, عاد اللبس, عاد شوية ديال الجمال-وليس ضروري-...وباش تأكد بلي الجمال ماشي مهم, شوف دربكم, غاتلاحظ أن داك دري لي قاطعها فحيكم,كايمشي مع دريات مقودات, واخا هو مافيه ما يتشاف –مع كامل احترامنا ليه-, ولكن لأنه فقط تايق فراسو قدر يطيح دوك دريات.
إذن لي يمكن نعرفوه دابا هو أن الثقة في النفس هي المهمة وماشي الجمال.

ولكن تسنى, هذا لا يعني أنك صافي طفرتيه, و بلي كولشي بإمكانو يطيح درية, لكذوب على الله حرام, ماشي بضرورة تكون زوين إياه و لكن بالضرورة خاصك تعرف هاد المراحل و طبقهوم باش أ لا فان تقدر طيح درية لي بغيتي بلا ماتكون 'برادبيت'
تهلا فراسك, و عرف أن تاواحد ماخايب, راه كاين فقط واحد رقيق و واحد غليظ, واحد صحيح, واحد ضعيف... أما خايب و زوين, حيدها من راسك, حيت أصلا كولنا زوينين, وكولنا تخلقنا من أصل واحد, وبالتالي, نسى هاد التساؤل كأول مرحلة.

أما تاني مرحلة, ولي فايت ذكرتها, وسع الدائرة الإجتماعية ديالك, -سيغكل سوسيال- (عافاكم نبفاو نخدمو لمصطلحات العلمية هه), علاش ؟ حيتاش هي كاتعطي لغير انطباع زوين, وكاتخليهم يحسابوك -ألفامان-, كيما تايجيك نتا ذاك الإنطباع أن درية كاتعرف بزاف ديال الناس, راها -ألفاوومن-, الشيء اللي كايخليك تحساب بلي راه مستحيل طيح علما أن الأمر هين –موضوع آخر-, و لكن كيفاش غانوسع سيغكل سوسيال ديالي؟, فايت قلت كيفاش, ولكن غانذكرك تاني...توسيع السيغكل سوسيال, سهل, حيتاش هو فقط مجرد لعبة, كاتجلى فعدد الناس لي كاتعرف, وباش تعرف ناس جدد حاجة ساهلة إذا كانو عندك أصدقاء, حيتاش صحاب صحابك راهوم صحابك, و بالتالي تعرف عليهم, وخرج معاهوم, و مافيها باس لا تعرفتي على صحابهم تاهوما, و غاتكون مقودة كاااع لا عرفتي المدينة كاملة –غاتانضحك حيتاش لا عرفتي لمدينة كاملة غاتقواد عليك-... إذن وسع لا سيغكل سوسيال, لسبب وهدف, السبب هو ترفع من مستوى الثقة في النفس, الهدف هو تعزز حظوظك باش طيح درية.

كمرحلة ثالثة, لبس مزيان, ماكانقصدش خوي جيبك على لباس, و إنما كانقصد غير ملابس بسيطة, متناسقة, حيتاش علماء النفس, الله يكتر خيرهوم, كايقولو بلي اللباس سامبل, -مافيهش زواقة- تايبن على أنك انسان صريح, ومافيكش كترت التعقيد, وهذا يمكن تجعلو نقطة إيجابية لصالحك, قس على ذلك, النظافة, لي غاتخلي واحد الإنطباع فقلب لبنت, على أنك انسان منظم, وكاتعطي وقت لمظهر ديالك, وعندا كتاني أزبي تمشي تخور لقنت, وتزيد فيه تحسابك غير درية ديما حاضي لمايا. الشيء إن زاد عن حده انقلب إلى ضده.

المرحلة الرابعة, كن تلقائي, حيت التلقائية هي كلشي من بعد الثقة في النفس, و راك تاتفرج فالأفلام أزبي و غاتكون ديما تاتشوف أن داك الشخص, التلقائي, كايكون هو البطل, و تايكون لباسو عادي, لكن متناسق, و لهضرة ديالو مافيهاش دخول و لخروج...باش نقرب ليك الفكرة لراسك, خاصني نسافر بيك لشخصية لبنت, حيت البنت كاتكون مولفة بنادم يزلل عليها, نفس الهضرة كاتكرر يوميا, و الرفض ديما كايكون إلا في حالات ما إذا كان داك لي وقف عليها تلقائي و عفوي, مثال : ملي كاتجي تقول لدرية شحال ساعة, فإنك كاتقولها بتلقائية "سمحيليا شحال ساعة عافاك," و التجاوب ديالها معاك تايكون تلقائي تاهوا , وكاتبتاسم ليك, هادشي لي بغيتك تعرف و دير فبالك, تعامل مع الفتاة بتلقائية, فاش تزلل عليها ماتحاولش تصطانع باش حظوظك تكون كبيرة.

المرحلة الأخيرة كن -جانتلمان-, نسبيا,... حيد من بالك ديك لفكرة ديال لا راه تعناب هاذا, بلعكس, جانتلمان هو داك الشخص لي كايتعامل مع لفتاة كفتاة ماشي كدري, خاص يكون واحد اللطف مرة مرة, علاش مرة مرة, حيت أنا شخصيا طحت فهاد الغلط و تعلمت منو, ملي كاتكون لطيف بزاف كاديرك فلفراندزون, حيت جانتلمان فلمغرب ماكايدويش ليها على الجنس, وداكشي, وإنما تايخلي داكشي فإطار قانوني, وهادا فخ طحت فيه شخصيا و عرفت بلي خاصك تكون جانتلمان يه, ولكن بشكل نسبي كيما قلت, وبالتالي النصيحة لي نقوليك كن جانتلمان, ولكن عرف كيفاش, باشما ديركش فلفراندزون.

(6)كيفاش نكتاسب ثقة في النفس ؟

كيفاش نكتاسب ثقة في النفس ؟

لمشكل لي كايخلي بزاف ديال دراري ما يزعموش على لبنات, هو التخوف ديالهم, من لانكوني –المجهول-, داك التخوف من الغرباء لي كبر معانا ملي كانو الأمهات تايقولوا لينا : "ماتهضرش مع شي واحد ماكاتعرفوش"..."عنداك لا هدا" ... هاكا تزرع فينا داك الخوف من تجربة الجديد, هاد لخوف من تجربة الجديد, هو لي خلا الثقة في النفس ديال بزااااف فينا تحطم, ولكن دابا واش يمكن تسترجع الثقة ديالك فالنفس؟ سينو كيفاش ندير نسترجعها ؟

قبل, بغيتك تعرف بلي الأمور بسيطة, لكن كيما سبق و قلت, ملي تاتفكر فلحاجة على أساس أنها شيء ضخم مستحيل, كاتستاحل بلفعل, داكشي علاش أول خطوة حاول تخلص من دوك الأفكار السلبية...كيفاش ؟ ...العلماء ديال النفس كايقولو بلي أحسن طريقة باش بنادم يتخلص من الأفكار السلبية هي يبقا يقول لراسو "نقدر ندير –داكشي لي بغيتي دير-." مثلا : "نقدر نطيح هاد درية"...عاودها و عاودها وعاودها, تاتولي حقيقة فعقلك, ديك ساعة غاتحس بالإسترخاء, و غاتجيك أن طيح درية أمر هين...إذن أول حاجة هي : خلي الأمور بسيطة, و تخلص من الأفكار السلبية.

2-هضر مع ناس جداد:

ربما كاتبان ليك صعيبة, واخا تخلصتي من الأفكار السلبية, داكشي علاش أنا عتامدت فالبدايات ديالي, على واحد الطريقة بسيطة, شنوهيا ؟ هاد الطريقة هي أنني ملي تكون غادي فطريق بوحدك, حاول تسول أكبر عددممكن من الناس شحال ساعة؟, فين جات هاد لبلاصة ؟ واخا تكون عارف المهم هو تزعم على الغير, وتكتاسب ثقة في النفس, شخصيا, ملي عتامدت على هاد طريقة حسيت براسي قادر نهضر مع أي واحد الشيء لي خلاني ننتاقل لمرحلة أخرى هي طوبيس...كيفاش,؟ ملي تركب طوبيس حاول تهضر مع داك لي حداك, جمع معاه, ضحك معاه, باش تولي تزعم...وانا تانأكد ليك بلي غادي تحسن بزاف.

3-شارك فعروض, القسم, العمل...
علاش المشاركة؟ المشاركة هي الجزء المهم علاش ؟ حيت فمثل هاد المشاركات تاتكون الأضواء مسلطة عليك, عارف غاتحس بشوية ديال لخلعة, ولكن عادي, مهم هو ملي عاتبدا تهضر و غاتحس بلي كولشي كايسمع ليك غاتحس براسك متحكم فيهم, وبلي نتا المسيطر, هادشي غايزيدك ثقة في النفس, في حالة ماقدرتيش تهضر وسط الجمهور, أحسن وسيلة باش ماتبقاش مخلوع هي تفكر الأم ديالك, علاش ؟ ماعرفتش, و إنما علماء النفس أكدو أنها طريقة كاتساعد بزاف باش ماتبقاش مخلوع, وهدا كايرجع لطفولة ملي كنتي كاتعتامد على الأم ديالك و كانت هي لي كاتحميك...

4-هضر مع زميلات العمل\القسم, بنات العائلة...
هاد لمرحلة مزيانة حيت كاتخليك تعرف شوية شخصية لبنت, وكايخليك تاخد واحد لخيرة و لو بسيطة, المهم أنها كاتزيدك ثقة في النفس, وكاتخليك قادر تعبر, و تناقش و حتى ملي تكون مع العائلة على مائدة الغداء, حاول تجبد موضوع و هضر و عبر على الآراء دياولك, هادشي غايرجع لصالحك, و غايخليك تكتاسب ثقة في النفس و تولي قادر تناقش و تحاور لبنات, والجماعات, وتا لجمهور...

5-تهلا فالمظهر الخارجي
المظهر الخارجي مهم, حيت هو لي كايعكس شخصيتك, بالتالي كولما كان لبسك أنيق و فيه لمسات خاصة إلا و زدتي راسك ثقة فالنفس, وعطيتي انطباع زوين لناس, الشيء لي غايخليك تيق فراسك كثر, وتغلب على ضعف الشخصية لي كاتعاني منو...غير هو لي نبغي نأكد عليه, ماتبالغش فالمظهر الخارجي عاوتاني و تصدق محمض لقنت, لباس بسيط لكن أنيق, ملابس نظيفة, شعرك ماتكونش فيه لقشرة, سنان بيضين, حيت الأسنان البيضاء غاتخليك ترغب فاإبتسامة أما إذا كانت دينمها صفرا, قهاذا سيفقدك ثقتك في نفسك...

(5)كيفاش نعرف واش كاتبغيني ؟ -16 إشارة-

كيفاش نعرف واش كاتبغيني ؟ -16 إشارة-

بزاف ديال دراري كايعرفو شي بنت و كاتكون كاتبغيه و لكن هو خايف لا ماتكونش كاتبغيه, هادشي كايخليه مايزعمش, واخا أنا كانعيا نقولها و نعاودها خدم على الثقة في النفس راه هي كولشي, تبغيك ولا لا دير تجربة لمهم هي ليكسبيغيونس, دابا ما عليناش, إذا ماكنتيش كاتزعم أنا جبت ليك شي لعايبات يمكن تلاحظهم فساطة, وهاد لعيبات كايعنيو بلي راها كاتبغيك خاصك غير تزعم.

بغيتك تعرف بلي إذا لاحظتي هاد الإشارات لي غانذكر ولي غاتكون درية كاديرهوم لا شعوريا, تكون متأكد بلي كاتبغيك ...غير قبل, بغيتك دير فبالك بلي واخا قالت ليك "لا نبقاو أصدقاء", كون متأكد بلي هادشي راجع لنفسية ديالها, وبلي خايفة لا ضيعك, مهم هادا موضوع آخر لكن ضروري نلمح بلي خاصك فهاد لحالة تقوليها بكل ثقة في النفس و نتا شاد ليها يديها, إييييه شاد ليها فيديها, : "كوني متأكدة بلي ما غانفرطش فيك, وانا راه ماكانتحكمش فيك, باش نبزز عليك تكوني ديالي, ولكن عارف بلي تانتي كاتبغيني, و كيما قلت ليك ماكانتحكمش فيك غير مابغيتكش ضيعي مني" .

دابا ندوزو لهاد لي -سيني- الإشارات :

1-كاضحك على نكتة ولو كانت حامضة

2-ملي ماتاتقدرش دير شي حاجة تاتقوليك تعاونها و الأغلبية ديال دريات لمزعوطات تايخدمو هاد العبارات باش تشفق عليهوم وتسمعك كاتمدحها : "أنا ماكانصلاح لوالو" .."ماعمري درت شي حاجة مقادة"..."ماكانعرف ندير تاحاجة"

3-كاتزعم عليك

4-كاتقيسك بزاف

5-كاتشوفليك فعينيك

6-كاتعاودليك على صحاباتها حياتها لخرا كامل

7-ممكن تكون دايراليك اسم مستعار تاتعيطليك بيه

8-كاتحاول طول معاك لكونفيرساسيون

9-كاتفكرك فشي حاجة طريفة وقعات ليكم

10-كاتلوح ليك شي نوطات زوينين

11-كايشدها لفضول و كاتسولك بزاف

12-كاتشدها لغيرة

13-كاتبتاسم ليك

14-كاتميليك بزاف

15-كاتلعب بشعرها ولا شي لعيبة ملي تكون كاتهضر معاك

16-كاتقلق منك
U
دابا ملي عرفتي هاد الإشارات ماعليك غير تلاحظ درية لي كاتبغي, وإذا لاحزتي هاد الإشارات ماعليك غير تزعم ...

أي تساؤل انا رهن الاشارة

(4) كيفاش نردها كاتبغيني ؟ -تقنية المخيلة-

كيفاش نردها كاتبغيني ؟ -تقنية المخيلة-

بغيتي ترد شي درية كاتبغيك بلا ماتبدل مجهود كبير؟, فلبدايات التزلالية ديالي, كنت ماكانقدش نرد شي درية كاتبغيني لعدة أسباب و أخطاء كنت كانديرهوم, و لكن من بعد تعلمت بلي كاينين طرق باش نرد درية كاتبغيني, و من بين هاذ الطرق واحد التقنية كانسميها أنا –تقنية المخيلة- حيت كاتعتامد على ليماجيناسيون, و هاذ الطريقة هي أسهل طريقة باش ترد درية كاتبغيك و مضمونة مائة بالمائة هادشي لي خلاني نتقاسمها معاكم, وتستافدو, وماتبقاوش معدبين.

هاد التقنية لي قلنا كانسميها تقنية المخيلة ماكاتحتاجش منك تكون –زورو- بلعكس واخا تكون نتا هو داك دري لي ماعمرو زعم على شي درية, بفضل هاد التقنية لي غانعطيك غاتكون خليتي أي درية تبغيك, باش نقرب ليك هاد التقنية, فهي كاتخلي انطباع الحبيب المثالي, عند درية, ولكن دابا كيفاش هاد التقنية ؟ شنو فيها ؟ شنو خاصني ندير؟

غيييير بشوية عليك, -راه غير بلمهل كايصفق لمهبل-, قبل ماتعرف شنو هي هاد التقنية خاصك تعرف راسك, وتعزز الثقة فالنفس ديالك –(بالنسبة لي ماكيتيقوش فراسهوم دابا نديرو حلقة على الثقة في النفس)- حيت الثقة في النفس هي أول مرحلة فأي خطوة تزلالية غاتكون مقبل عليها, حيت بكل بساطة خاصك تكون داك "الألفامان" لي تايق فراسو, و عارف شتايدير, ماشي داك لحشومي, -وحتى لاكنتي حشومي غير دير انطباع بلي راك ماشي داك دري لحشومي-.

دابا ملي تقتي فراسك, غادي نقوليك شنوهي هاد التقنية, هاد التقنية أخي هي أنك ملي تكون مع ديك ساطة لي مهبلاك, و كاتبغيها, و لكن ماعمرك بينتي ليها بلي كاتبغيها, ملي تكون معاها, تلعب ليها على ليماجيناسيون ديالها, كيفاش؟
غاتكونو كاتهضرو عادي, موضوع يجبد موضوع تاتوصلها لموضوع لي بغيتي, تصاحيب وكدا, ديك ساعة غادي تلعب ليها على المخيلة ديالها, تقوليها : "سيبون ملي جبدنا لهضرة نيت على تصاحيب, غانلعبو واحد اللعبة, تخايليني كون كنت صاحبك و قوليليا شنو الأحداث لي غايوقعو سينون, عاوديليا لفيلم لي جاك فراسك."

تخايل معايا دابا نتا شحال من فلاش زوين غاتخايلو هاد لبنت؟ حيت بالفطرة لبنات كايميلو للجنس, الحنان, الحب, اللطف, يعني حظوظك معاها مرتافعة بنسبة كبيرة, ولكن علاش هاد التقنية؟, هاد التقنية كاتبان فالواقع بسيطة و غير لعبة, ولكن فضلها كبير, حيت ربما هاد لبنت ماكانتش معمرا رسها بيك, ولكن ملي تخايلاتك, فبطبيعة الحال تخايلاتك داك –زورو- لي تابغيها و تايبوسها صباح و عشية و يجري معاها فلبحر –داكشي دالأفلام المغربية دزب هه- وهذا غايخليها تسول راسها, مرات و مرات, و تفكر فيك مرات و مرات, وغادي ترون ليها حياتها, الشيء لي غايخليها تبغيك كثر و تحاول تقرب ليك باش حياتها ترجع عادية.

(3) كيفاش نتصاحب مع درية مقودة -6 ديال النصائح-

كيفاش نتصاحب مع درية مقودة -6 ديال النصائح-

ماشي بعيد تكون كاتبغي شي درية قرطاسة، ولكن ماعمرك زعمتي تهدر معاها، حيتاش صيرفو ديالك تايقوليك بلي خاص يكونو عندك ديال نحاس،وخاصك تكون -زورو-، و لكن فلحقيقة ماشي بالضرورة، حيت درية زوينة، ماباغاش هادشي كامل، حيت أصلا جاوها قبل منك بزاف، و أ شاكفوا كايجيها شي واحد كايقرا عليها نفس لقصيدة لي قراها عليها واحد آخر، داكشي علاش أول كاجة خاصك تكون مختالف، مختالف على دوك دراري لي ديجا جاوها، و تبعد على اﻷسئلة المباشرة الروتينية لمقودة عليهم، راك كاتهضر مع قرطاسة ماشي شفار باش ديرليه لونكيط.

نعطيك مثال: نقولو أ سيدي كنت غادي مع صحابك و بانت ليك درية قرطاسة و قلتيليها فخاز دابخوش مقودة...خاصك تعرف بلي هادشي غير كافي حيت ما بعد ذلك هو المهم،مثلا : فين ساكنا؟ منين نتي؟ ... هاد النوع ديال اﻷسئلة خليهوم لشي شالوطية، أما دابا راك كاتهضر مع قرطاسة أزبي زوق لهضرة
مثال؛ نتي بنت أكادير/الرباط..لا ؟ عندك مع روك ؟ تاتسنطي لشاغل أزنافوغ شوية؟

واخا نتا عارف بلي هي ماشي بنت ديك لمدينة وإنما غير باش تخرجها من ديك لقوقعة لي كانت فيها و باش تكون مختالف، كن أكيد أنها غاتسولك علاش؟ ... عرف بلي كاتسنى منك داك لجواب الروتيني، حيت نتي زوينة، ... عنداك تقولو عنداك راك غاتخسر كولشي، حيت لقلاوي كامل تايقول ليها نفس لهضرة، و لكن نتا قوليها : حيت عندي واحد لامي-صديقة- مستيلية تماك و أصلا نتي غير من لا فاصون ديال لهضرة ديالك نعطيك -اسم مدينة-

..دابا ملي قلت هاد لجواب كن أكيد بلي راك جبتي ليها لغيرة، علاش ؟ حيت ملي قلتي صديقة مستيليا. هي عقلها بقا لاصق فديك خيتنا ونسات لباقي وانا متأكد أنها غاتقوليك: إيوانا راني بنت..، و مورا مدة غاتسولك على ديك لبنت، وهنا لعبة، خاسك تبقا تعاود ليها عليها و تقوليها بلي كاتعجبك الطريقة باش كاتهضر و لبس ديالها، باش تغير و تحاول هي تبان حسن منها قدامك، و غاتبغي تساوي الميزان و ترد ليكيليبر لي كانت متعودة عليه أنها زوينة و كدا...

تجاهلها كخطة ثانية: باش تبين ليها أن الجمال ديالها ماكايهمكش و أنها سواء كاينة أو لا راه بحال بحال غاتبقا تنفس و تحزق و بيخير، فرض شخصيتك و حاول ماتقولش ليها : أوكي، لي بغيتي، إدا بغيتي، واش ممكن... كن متأكد و قوليها : لا، نتلاقاو فلبلاصة لفلانية مع كداوكدية ...،

خدم على الشعبية، كن كاتعرف بزاف ديال لبنات حيت هادشي كايعطيليها واحد اﻹنطباع بلي راك -زورو-

تذكير: كن مختالف، لعب على الغيرة ديالها، تجاهلها، فرض شخصيتك، خدم على شعبيتك و الثقة فنفس.

(2) مورا الدخلة ؟ -7 مواضيع تهضر فيهم مع درية-

          

مورا الدخلة ؟ -7 مواضيع تهضر فيهم مع درية-

هانتا دخلتيها دخلة مقودة, و حسيتي براسك نتا هو "زورو" –علما أن لا علاقة ل"زورو بالهضرة- مهم حسيتي بكرك مقود, من بعد ؟ فاش غاتهدرو ؟ شنو غاتقولو ؟
هاذ المشكل كايوقع لبزاف ديال الدراري خصوصا دوك لي ما كايعرفوش فاش يهضرو و لا على أش غايهدروا, داكشي علاش خممت مع راسي و قلت علاش لمانوريكوش مواضيع كايعجبو لبنات, أو بالأحرى يمكن لك تهضر مع الفتاة لي يالله دخلتيها عليهم و فيهم ... و قبل ما نقوليك هاذ المواضيع’ دير فبالك أن الدرية لي دخلتيها دخلة مقودة غير قبيلة, ما كاطلبش منك تكون بطل خارق بحال "زورو" (سبب ذكري لزورو بزاف كونه شخصية محببة إلي), ما تحاولش دير فيها كلوون كما سبق و لمحت في الجزء الأول كن دائما تلقائي عفوي, ماتحاولش تكون مضحك, لأنك إذا تعاملتي بكل تلقائية غاتلوح شي نوطات غايعجبو الفتاة...و راه تاواحد ما حامض...غاتقوليا: زبي لاش كاطول الهدرة راه فهمنا دوز للمواضيع.
واخا أخويا, غاندوز لمواضيع لكن قبل بغيتك ماتنساش أنك ملي دخلتيها, راه ماعارف عليك والو هي, إذن أول حاجة دويو فيها هي (سميتك, فين كاتقراي, فاش خدامة, علاش ختاريتي هاذ الشعبة\الخدمة,) عارف أن الأغلبية فيكم كايعتابر التعارف شيء ممل لكن ماتنساش أنك نتا دري, وهي راه بنت, و فاشد خلتيها ديك دخلة فإنها أعجبت بصراحتك و شخصيتك و باغا تعرف عليك كثر, ألوغ بعدما دوات ليك على راسها غاتلاحض أنها ولات كاتسولك, ويلا ماسولاتكش (قوليها أنا درت العكس ديالك أنا ختاريت نقرا\نخدم ف...حيت.... أولا أنا بحالك) و هكذا تكونوا قد دزتو من مرحلة التعارف و جات مرحلة أخرى لهي تناقشو و تهضرو, و تبلابليو... لذلك أنا كانصحكم تحدثوا فهاذ المواضيع السبعة :
1-اللباس و الستيل
2-الأفلام و المسلسلات
3-الأغاني و الموسيقى
4-الأحلام ديالها و المشاريع المستقبلية
5-المشاعر دياولها
6-قصص الحب
7-الكتب لي قراتهم و عجبوها

كانضن دابا أنني اختصرت فهاذ الجزء, إذا كان عندك شي تساؤل سيفط ليا ميساج بريفي.
بارطاجي مع صحابك لتعم الفائدة.

(1) كيفاش ندخل درية؟

          السلام عليكم العشران اليوم تعلموا كيفاش طيح الدريات

كاملين عارفين بلي الدخلة خالق مشكل لدراري, و ما مخلياهمش يتلوطو على شي تيتيزة, لمخير فينا زراتو الدخلة لكن غير مرحلة و دايزة صدقني...خاصك غير تبع معايا...تخايل معايا مثلا درية زوينة قرطاسة مقودة بانت ليك دايزة, أش غادير؟ ...

 الأغلبية ديال الدراري كايخلقو مبررات باش ما يمشيوش و يهدرو معاها...من بين هذه المبررات لي كايطرحوها الشباب "غاتقمعني" "غاتكون مصاحبة" "لا راه ماكاتصاحبش" ... شوف أساط عندك جوج ديال لحوايج يا نتا خواف و بارد غاتخليها و غايبقا فيك لحال من بعد و لا ملي تشوف شي واحد سبقك ليها.. يا غاتمشي برجولة أخويا و بلا ما تشحفني لعندها... 

ألوغ, قبل ما تمشي تهدر معاها دير فبالك بلي دوك المبررات السابقة الذكر, راه ما كاينينش راه غير الخيال ديالك هذاك, و راه جميع الدريات كايتساحبو غاكون هاني و لي مامصاحباش راه غير مازال مازعم عليها شي حد...دابا ملي زعمتي و قررتي تمشي تهدر معاها, عندك مشكل واحد هو "ناري كيفاش غاندخلها؟" "شنو نقوليها؟" هاد التساؤلات كاتخلق ليك مشكل إذن الطريقة الوحيدة باش ما يبقاش عندك هاد المشكل هو تخلص من هاذ التساؤلات...غاتقوليا : إيوا هاني نسيتهم ملي نوقف عليها نبقا ساكت؟ ... لا أراس طارو لااا ... ماشي بضرورة تفكر فشنو تقول, وكون هاني راه ماغاتبقاش ساكت, كاينين جمل لي يمكن ليك تقولهم و لي هوما إيفيكاس و كايعجبو لبنات, خاص غير الزعامة...آه عنداك ألقلاوي تمشي تحاول دير فيها شاعر و تعورها ولا دير فيها بهلوان و تقودها... كن طبيعي و تلقائي و عفوي الله يحفظك, دابا غاتقوليا : ساط راك فرعتي لينا كرنا بلهدرة قوليا شنة نقوليها من لخر و شنوهما هاذ الجمل؟ واخا أخويا, درية يكفي أنك تصبغها و تمشي معاك فلخط غير ماتزيدش فيه تاني و تصدق مقود الوضع...كانعرف شي وحدين لي كاقولو لبنات "ختي كاتعجبيني"...إذا درتيها شي مرة أخويا أنا متأكد النتيجة غاتكون فالصو حيت ماشي هذي هي الطريقة, زوقها شوية و قوليها : "سمحي لي, كنت مع صحابي لهيه, وشفتك دايزة, وعجبني ستيل ديالك, وقلت علاش لا مانجيش نهدر معاك, ونتعرف عليك, سميتي فلان فرتلان" ... دابا هالعار ما قوليا واش صعيبة هاذي ؟ شتي غير جرب قولها لشي بنت عاطياك بضهر و شوف النتيجة براسك... نصيحة مهمة : دائما ملي تكون كاتهدر حرك يديك بشكل متناسق مع كلامك و كن مبتسم, وماتزيدش فيه لأن الشيء إن زاد عن حده إنقلب إلا ضده.

الجملة الثانية تقال في حالة ما إذا شافتك و شفتيها ولي هي كاتبين الصراحة ديالك و العفوية ديالك زائد الثقة فالنفس : "سلام, بلا مانكتر عليك لهدرة عجبتيني, وبغيت نتعرف عليك كتر شنو سميتك؟" ... دابا ملي وليتي عارف أش تقول, مابقاليك إلا تمشي دير لبراتيك أ عشيري...